طريقة عمل البان كيك في البيت
البان كيك من الأكلات المحبوبة جدًا اللي بتتاكل على الفطار .
مقادير البانكيك
1 كوب دقيق أبيض
2 معلقة صغيرة باكينج باودر
1 بيضة
½ كوب لبن رايب
¼ كوب لبن حليب
2 معلقة كبيرة عسل أبيض
1 معلقة كبيرة زبدة سايحة
1 معلقة صغيرة فانيليا
رشة ملح
كيفية عمل العجينة
- في بولة، اخلطي الدقيق والبيكينج باودر والملح وانخليهم في مصفاة. ده هيساعد إن البان كيك يكون هش جدًا.
- اخلطي البيض واللبن والرايب والعسل والفانيليا والزبدة السايحة بمضرب سلك.
- ضيفي خليط السوايل على المكونات الجافة واخلطي كويس لحد ما تتجانس عجينة البان كيك.
طريقة عمل البان كيك
- سخني طاسة على نار متوسطة وادهنيها بفرشة زبدة.
- بالمعلقة صبي عجينة البان كيك وهدي النار.
- أول ما تشوفي فقاقيع على السطح، اقلبي البان كيك وابدأي تسوية الوش التاني.
- قدمي البان كيك وهو سخن مع العسل أو المابيل سيرب والزبدة.
تعليقات
إرسال تعليق